गोकर्ण जात्रामा (डाँसे) को बैरागी तामाङ को फापरे सेलो मौलिक कला र संस्कृतिको सुन्दर झलक लेख तथा भिडियो : कर्म लामा | Pipal Ghare Media House मौलिक कला आफ्नो पहिचान र संस्कृतिप्रतिको माया नेपाल बहुजातीय, बहुभाषिक र बहुसांस्कृतिक पहिचानले भरिएको सुन्दर देश हो। यहाँका हरेक जातजातिका आफ्नै भाषा, भेषभूषा, रहनसहन, गीतसंगीत र सांस्कृतिक परम्परा छन्। यिनै विविधताभित्र तामाङ समुदायको मौलिक संस्कृति, सेलो भाका र नाचगानले विशेष स्थान ओगटेको छ। हाम्रो मौलिक कला र संस्कृतिलाई जीवन्त राख्न कलाकारहरूको योगदान अत्यन्त महत्त्वपूर्ण हुन्छ। यस्तै प्रतिभाशाली व्यक्तित्वमध्ये एक हुनुहुन्छ डाँसेका बैरागी तामाङ , जसलाई बैरागी च्याङ्बाका रूपमा पनि चिनिन्छ। गोकर्ण जात्रामा बैरागी च्याङ्बाको रमाइलो प्रस्तुति हालै गोकर्णको जात्रामा देखिएको तामाङ फापरे सेलोको रमाइलो दृश्यले हाम्रो मौलिक संस्कृति र कलाप्रतिको प्रेमलाई फेरि एकपटक सम्झाएको छ। जात्राको उत्साहपूर्ण वातावरणमा बैरागी च्याङ्बाको उपस्थिति, उहाँको उत्साह र सांस्कृतिक प्रस्तुतिले यस क्षणलाई अझ विशेष बनाएको छ। जात्रा भनेको हाम...
दूधपोखरीमा भेटिएको आफ्नोपन पछिल्लो वार्षिक बिदामा नेपाल जाने क्रममा यसपटक मैले धेरै नयाँ तथा पुराना आफान्तहरूसँग घुलमिल हुने अवसर पाएँ। केही दुःखद् घटना र जीवनमा लामो समयसम्म सम्झिरहने केही भावनात्मक क्षणहरूको पनि सामना गर्न पुग्यो। यही क्रममा एउटा संयोगले मलाई दोलखाको दूधपोखरीमा नयाँ घरमा पाहुनाको रूपमा दाइसँगै जाने अवसर मिल्यो। जिन्दगीमा कहिल्यै नदेखेका, नभेटेका मानिसहरूले केही क्षणमै यति नजिकको आफन्त वा आफ्नै परिवारको सदस्यलाई जस्तो माया र आत्मीयता देखाउँछन् भन्ने मैले कल्पना पनि गरेको थिइनँ। सुरुमा त म केहीबेर अलमलमै परेँ। हामी पुगेको घर दूधपोखरीका पूर्व वडा अध्यक्ष वीरबहादुर मोक्तान, गाउँमा भने ‘बिर्खे’ भनेर चिनिनुहुने व्यक्तिको रहेछ। नाता हेर्ने हो भने उहाँहरू मेरा नजिकका आफन्त नै पर्ने रहेछन्। तर हामी कहिल्यै भेटघाट नभएका कारण एकअर्कासँग खासै चिनजान थिएन। त्यही दिन दाइसँग पाहुना भएर पुगेपछि मात्र थाहा भयो हामी त धेरै नजिकको नाताभित्र पर्ने रहेछौँ। अझ रमाइलो कुरा त, मसँग उहाँहरूको दुईतिरबाट नाता जोडिँदो रहेछ। आमाको माइतीतर्फबाट एउटा नाता र मेरी श्रीमतीको तर्फबाट अर्को नाता।...